A finales de xaneiro se nos informa que a Consellería non só non fixo nada senón que pretende que mandemos ós nenos ó comedor “sen necesidade de convenio”, feito ó que nos negamos rotundamente posto que isto suporía dificultades para o contrato do servizo de transporte (que a Xunta nos nega posto que non nos considera centro transportado) e que en calquera momento quedemos fora do servizo do comedor, posto que legalmente “non hai papeis”.
Diferentes medios como La Voz de Galicia e La Opinión fixeron eco da nosa situación e non foi ata o mércores pasado cando o Concello de Sada reenviounos un segundo borrador do convenio que lle falicitaron da Consellería. Mañán cursaremos as nosas alegacións a este segundo borrador e ademáis solicitaremos unha nova petición de xuntanza coa responsable do servizo de comedor. En espera de que se por fin se asine o convenio para o presente ano, a pelota volta a estar do lado da Consellería.
1 comentario:
O pasado 4 de marzo, os asinantes do convenio do comedor (Concello, Consellería de Educación e ANPA) tivemos unha xuntanza en Santiago. Por parte da Consellería acudiron as máximas autoridades no referente ó comedor, o Secretario Xeral de Educación, José Luis Vázquez Fernández e a Subdirectora Xeral de Xestión Orzamentaria e de Recursos Educativos Complementarios, Ana Ornilla. Por parte da nosa comunidade escolar estiveron presentes, Raquel Bolaño representando ó Concello, Miguel Gayoso coma director do centro, e dous representantes da nosa Xunta Directiva.
Nesa xuntanza se nos asegurou que houbo, hai e haberá vontade política para continuar co servizo de comedor no noso colexio.
Falamos do convenio para este ano no que se aceptou a nosa reivindicación de coidado dos nenos ata a súa recollida no noso centro polos pais ou monitores. Tamén dos orzamentos especiais para a xestión por parte da dirección do colexio e o pago ás coidadoras, que non se reflectirá no convenio posto que hay unha bolsa específica para eses gastos.
Falamos tamén dos vindeiros cursos e acordamos estudar unha fórmula adecuada entre Concello e Xunta para darlle continuidade o servizo sen necesidade de facer un novo proceso cada ano (outra das nosas reivindicacións).
Maila boa disposición amosada polo secretario e a subdirectora, a día de hoxe aínda está sin asinar o convenio según eles por atrancos dos servizos xurídicos. Onte xoves enviamos un correo a Subdirectora solicitando axilidade na sinatura do convenio. A nosa insistencia se debe a que para nós as boas vontades non son suficientes para dotar un servizo tan necesario na nosa comunidade.
Publicar un comentario